PCD market mein achhi companies bhi hain aur bahut si aisi bhi jo sirf pehla order lene ke liye baithi hain. Ye 10 check kar lo — zyadatar problem yahin pakdi jaati hai.
1. WHO-GMP certificate ki asli copy
Website par likh dena aasaan hai. Certificate ki copy maango, usmein unit ka address aur validity date dekho. Address wahi hona chahiye jo manufacturing unit ka hai.
2. Drug licence number
Manufacturing licence number maango. Ye verify kiya ja sakta hai.
3. Factory visit se inkaar to nahi?
Genuine company visit se mana nahi karti. Jo mana kare, ya "abhi renovation chal raha hai" jaise bahane banaye — wahan ruko mat. Hamare Derabassi unit ka visit appointment lekar kabhi bhi kar sakte ho.
4. Products khud banate hain ya kahin aur se?
Poocho ki manufacturing apni hai ya loan licence par. Dono theek hain, par pata hona chahiye. Apni unit wali company par quality control zyada hota hai.
5. Rate list likhit mein
Net rate aur MRP dono likhe hue. Jo company likhit rate dene se katrae, wahan baad mein rate badalne ka jhagda hoga.
6. Monopoly agreement letterhead par
Zubani vaada kuch nahi. District ka naam aur division ka naam saaf likha ho.
7. COA milta hai ya nahi
Certificate of Analysis har batch ke saath milna chahiye. Ye quality ka sabse pakka saboot hai. Na mile to samajh jao testing serious nahi hai.
8. Kitne purane hain
Company kab se chal rahi hai? Kitne partners hain? Hum 2008 se kaam kar rahe hain aur 5,05,000 se zyada order deliveries kar chuke hain.
9. Promotional support ka saaf jawab
Kya milega — visual aid, product cards, LBL, reminder cards? Ye order ke saath aata hai ya alag charge hota hai? Saaf jawab na mile to baad mein dikkat hogi.
10. Chemist se poocho
Sabse aasaan aur sabse pakka test. Apne ilaake ke 2-3 chemist se poocho ki us company ke products aate hain ya nahi, aur supply time par aati hai ya nahi. Yahi asli feedback hai.
Sabse bade red flags
- Franchise fee ya security deposit ki maang
- Bina drug licence supply karne ko taiyar
- Factory visit se inkaar
- Monopoly likhit mein dene se inkaar
- "Poora state" ka vaada
- Bahut jaldi order dabav
Hamare certificates dekho · factory visit ke liye appointment lo